|
» A'lo Fm radiosi ijodkorlari
A'lo Fm radiosi ijodkorlari |
Olimxo’ja Azimov
Bosh muharrir, musiqa muharriri
Tabiatan yumorga moyilligi kuchli, mukammal xarakterga ega bu inson samimiyati va ochiq ko’ngilligi bilan hammaning e’tiborini qozongan. Sayohatni sevuvchi, tinib tinchimas Olimxo’ja Azimov bir paytning o’zida bir necha loyihalarni muvaffaqiyatli amalga oshiradi.
Eng qizig’i, ba’zi odamlar omadsiz deb hisoblagan 13 raqami, bu shaxsning eng yoqtirgan raqamidir. Balki bu Olimxo’ja akaning 13 may sanasida tug’ilganligii sabablidir. Hayotidagi ko’p esda qolarli voqealar ham aynan 13 chi sanada yuz berar ekan. Kezi kelganda o’ta jiddiy va qattiqqo’l boshliq, kezi kelganda esa hazilkash, qo’lidan kelsa yordamini ayamaydigan mehridaryo insondir.
Shuhrat Nazarmuhammedov
Dastur muxarriri
Yoshligidan san’atga bo’lgan qiziqishi tufayli, bog’cha yoshidanoq qo’shiq kuylashni boshlab yuborgan Shuhrat Nazarmuhammedov, bugungi kunga kelib nafaqat san’atkor sifatida ta’nilmoqda, balki A’lo FM radiosining rivojlanishida uning ilk yillaridan beri o’zining katta hissasini qo’shib kelmoqda.
Ko’rinishidan o’ta jiddiy bu insonning qaysi gapi hazil, qaysisi jiddiy ekanligini bilolmay boshimiz qotadi ba’zan, sababi u jiddiy turib hazil qiladi. Bu esa atrofidagilarni unga osongina ishonishiga sabab bo’ladi. Sermulohazali, har bir gapini o’ylab gapiradigan bu inson barchaga birdek o’rnak bo’la oladi.
Shuhrat Kamalov
Ovoz rejissori
San’atga bolaligida kirib kelgan bu shaxs, yoshligidanoq o’zidagi iste’dodni namoyon qilishga intilgan. Hozirgi kunda "Ato” guruhida Shuhrat Nazarmuhammedov bilan ijod qilayotgan bu inson A’lo FM radiosining rivojida o’zining ulkan hissasini qo’shib kelmoqda.
Eng sevimli ishi – uyidagi to’tilari bilan suhbatlashish, desak adashmagan bo’lamiz. To’tilarga mehr qo’ygan bu inson, bo’sh qoldim deguncha yo gitara chalish bilan mashg’ul bo’ladi, yoki oronjirovka va bastakorlik bilan band bo’ladi.
Do’stlari davrasida hazilkash, barchaga kayfiyat ulashuvchi Shuhrat kezi kelganda erkatoylikni ham esdan chiqarmaydi. Ochiq yuzlilik aynan shu insonga xos.
Zamira Xolbayeva
Muharrir
O’ta samimiy, og’ir bosiqligi va chiroyli tabassumi bilan ajralib turuvchi Zamira ilmga juda chanqoq qiz. Uning fikrlashi, aqli va farosatiga barchaning havasi keladi. Bolaligidan ko’p kitob o’qigani tufayli deyarli barcha mavzularda erkin muloqot qila oladi. Ish jarayonida o’z ishiga o’ta masuliyatli.
Qolaversa ingliz tili hamda fransuz tillarida bemalol so’zlasha oladi. U bilan suhbat qurib zerikmaysiz. O’z maslahatlarini xech kimdan ayamaydi. Xobbisi – dam olish kunlarini maroqli o’tkazish. Pazandachilik borasida ham unga teng keladigani topilmasa kerak.
Malohat Ziyoyeva
Muharrir
Xushchaqchaq yurish Malohatning tabiatiga hos. Ismi jismiga mos bu qiz bolaligidan o’zini san’at olamida ishlashini niyat qilgan, shu sababdan bo’lsa kerak, yoshligidan musiqadan tahsil olgan.
Bo’sh vaqtida ko’proq kitob o’qiydi, suxandonlikka bo’lgan yuqori qiziqishi tufayli o’z ustida tinmay shug’ullanadi, o’z mahoratini rivojlantiradi. Hazilni "qiyvoradigan” bu qiz faqat yaqin dugonalari va do’stlari davrasida kutilmagan hazillari bilan hammaning kayfiyatini ko’taradi. "O'tgan kunlarni unutib, qolgan kunlarga ma'no va mazmun yarat" - bu Malohatning shiori.
Iroda Nosirova
Radio ovozi, boshlovchi
Yoqimli ovoz sohibasi Irodaxon o’zining nozik didi va yoqmili tabassumi bilan har qanday kishini o’ziga maftun qila oladi. Ham suxandon, ham honanda hisoblangan bu insonning shirali ovozi A’lo FM radiosi to’lqinida tez-tez jarang sochib turishi barchamizga ma’lum.
Bo’sh vaqtida suzish, mashina haydash va yaqinlari davrasida bo’lishni yoqtiradi. Sevimli taomlari osh va yapon sushisi, shu tufayli bu taomlarni haftada har kun yeyishga tayyor. Eng qo’raqadigan narsasi – qorong’ulikda yolg’iz qolish. Uning aytishicha, agar u san’atkor bo’lmaganda, yo harbiy hodim yoki sportchi bo’lar ekan.
Elyor Nosirov
Radio ovozi
A’lo FM radiosining "radio ovozi” O’zbekiston xalq artisti ustoz Elyor Nosirovdir. O’z ishini nihoyatda qadrlovchi, kamtar va dilkash bu inson muloyimligi va hurmatliligi bilan boshqalardan ajralib turadi.
Elyor Nosirov son sanoqsiz kino va spektakallarda mohirona rol o’ynab, xalq mehrini qozongan insonlardan. "Abror Hidoyatov " nomli teatrda bir necha yillardan buyon elga xizmat qilib kelayapdilar. Xalq ichidagi dard va hursandchiligini o’z rollarida ko’rsatib, ularning mehrini qozongan.
Ha aytgancha, ko’pchilik Iroda Nosirovani Elyor Nosirovning qizi deb o’ylashadi. Lekin aslida ular familiyadoshlardir. Bu savol Elyor Nosirovga tez-tez beriladigan savollardan biridir.
Oybek Rixsibekov
Boshlovchi - "Hajviyalar Kutubxonasi”
Doim quvnoq kayfiyatda yuruvchi bu inson, xech ham tinib tinchimaydi. Goh telesyomkalarda yursa, goh tadbirlarga fayz bag’ishlaydi. O’z ustida ishlashdan to’xtamaydigan Oybek, hamkasblari orasida ochiq ko’ngil suhbatdosh.
Turli stillarda kiyinish, soch turmaklarini tez-tez o’zgartirib turish, insonning kayfiyatiga kayfiyat qo’shadi, - deydi u. Shu sababdan bo’lsa kerak, Oybek har doim yuqori kayfiyatda yuradi. U bilan soatlab suhbatlashsangiz ham, zerikdim demaysiz.
|
|
Tasodifiy foto
Tasodifiy latifa
Ona bolasiga gapiryapti:
- Otang rahmatli seni deb ne zahmatlar chekmadi...
- Biz ham turmada bekor yotmadik, oyi, nima balolarni chekmadik.
|
|
