AQShning Michigan shtatidagi Klinton shahrida antiqa visol oqshomi bo'lib o'tdi. U boshqa to'ylardan mutlaqo farq qiladi.
Farqi shundaki, to'yda kelin kuyov o'rniga ikkita chiroyli itchalar o'tirishdi. To'yxonada yetmish nafar mehmon ishtirok etib, unda ikki yoshli it - «kuyovbola” Bobbi boshiga qora silindir qo'ndirib, egniga zamonaviy libos kiyib, kapalak nusxa bo'yinboq ?am taqib olgandi. Uch yoshni urib qo'ygan kelinbola kuchuk - Greysel oppoq harir nikoh libosiga burkandi. Nikohni baptist-ruhoniy Jozef Feroze honish bilan o'qigach, kuyovbolaga yuzlanib, kelinbola Greyselga uylanishga rozimi, yo'qligini so'radi. Ikkinchi so'rashida it hingshib qo'ydi va bu rozilik alomati, deyildi. To'y tafsiloti haqida kuyovbolani yetaklab kelgan yetmish to'qqiz yoshli sohibasi ular orasidagi muhabbat rishtasini bir qarashda sezganini, shu sababdan ularni nikohlab qo'yishga qaror qilganini aytdi. Eng qizig'i, visol oqshomi dasturxoniga suyak nusxada yasalgan pirojniylar, yurak nusxada tayyorlangan tortlar qo'yildi. Antiqa tarzda o'tqazilgan bu visol oqshomiga jami 1200 dollar sarf etildi. Eh, qiziquvchan odamlar sevimli hayvonlarini deb nimalar qilishmaydi...
