AQShning Viskonsin shtatidagi Miluoki shahrida istiqomat qiluvchi 52 yoshli kishi yurak xurujini bahona qilib, «taksi» va restoranlarda xizmat haqini to'lamay yurgan.
Ko'p sonli ofitsiantlar va kirakashlarning guvoqlik berishicha, restoranda taomni yeb bo'lgach yoki «taksi»da manzilga yetganda uning yurak xuruji tutib qolar va uni shifoxonaga olib borishar, juda bo'lmaganda biror o'rindiqqa o'tqazib, bunday noqulay mijozdan xalos bo'lishar, xullas, oxir-oqibatda firibgar xizmat haqini to'lashdan qutilardi. Xuddi shunday nayranglardan birini amalga oshirgandan keyin kasalxonaga keltirilgan firibgarni shifokorlar tanib qolishadi va uning yolg'ondakam bemor ekanini isbotlashadi. Bunday ayyorona «tryuk»larni amalga oshirganligi uchun unga jinoiy ish qo'zg'atiladi. Sud nayrangbozga 10 ming dollar miqdorida jarima soldi va 9 oyga qamoq jazosiga hukm qildi. Shunga aytadilarda, qing'ir ishning qiyig'i baribir ochiladi, deb!
