Matematik amallarni bajarish bo'yicha jahon chempioni bo'lgan ispaniyalik 41 yoshli Alberto Koto Garsiya yangi rekord o'rnatdi. Qanday qilib deysizmi?
Buning uchun u Boliviyaning dengiz sathidan 3600 metr balandlikdagi La-Paz shahrini tanladi va Boliviya davlat universitetining ikki professordan iborat hakamlar hay'ati oldida amallarni bajardi. U 2 daqiqa-yu 57 soniya ichida 8 xonali sondan kvadrat ildiz chiqardi, ikkita 8 xonali sonni ko'paytirib, natijani e'lon qildi hamda 100-darajali ikki sonning yig'indisini hisoblab, aytishga ulgurdi. Qoyil, bunday odamga kalkulyator ne xojat?!
